Ирис телевизија, Штип

18.5.2012 - Фудбалските прволигаши полека, но сигурно, ја привршуваат првенствената сезона. Во недела на програмата се натпреварите од претпоследното 32 коло во кое се среќаваат:

1. Металург - Брегалница
2. Шкендија - Вардар
3. Ренова - Напредок
4. Силекс - Охрид
5. Работнички - Тетекс
6. 11 Октомври - Хоризонт Т

17.5.2012 - Цела работна недела останаа залудни нашите напори да извлечеме нешто од раководството и стручниот штаб на ФК Брегалница, а поврзано со натпреварот против екипата на Хоризонт од Турново. Дипломатски, немаше одговор, а потајно екипата се подготвуваше како да се работи за решавачки меч. И навистина, беа сосема во право. Сите на градски беа изненадени од желбата на играчите, од првиот до последниот, да го тушираат противникот од Турново и да докажат дека навистина го заслужуваат високото петто место на табелата.

Екипата на Мал Ајакс и покрај финансиските потешкотии успеа да го задржи прволигашкиот статус и во следната сезона ќе се натпреварува во најквалитетната футсал лига. Поради новата систематизација, догодина ќе биде потешка бидејќи ќе се натпреваруваат 12 екипи, а веќе наредната сезона Првата футсал лига ќе брои 10 екипи. Затоа приоритет на „Мал Ајакс“ ќе биде изнаоѓање на трајно финансиско решение, како и драстично подмладување на екипата со цел да се задржи континуитетот на успеси како и одржувањето на младинската школа.

15.05.2012 - На завршниот фајнал-фор турнир, што се одржа во Прилеп, првото место на Македонија во пионерската конкуренција го освоија ракометарките на Стружанка, кои во финалето ја победија екипата на „Жито Прилеп“ со резултат 9:8.

Пионерките на Кожувчанка од Штип го освоија третото место, откако во полуфиналето со „Жито Прилеп“ во регуларниот тек одиграа нерешено 13:13, но загубија на пенали со 18:16. Во борба за третото место, Кожувчанка ја победи екипата на Чаир, со резултат 14:7.