Дома ВЕСТИ Исток Советот на Општина Берово се уште без претседател


Советот на Општина Берово се уште без претседател

Е-пошта Печати PDF

m-berovo-nadzinski15 те советници од Советот на Општина Берово се уште немаат избрано претседател и нe ги формирале комисиите. Седумте советници од коалицијата За подобра Македонија, седумте советници од Сојузот за иднината и едниот од Либералната партија се уште не можат да се договорат како ќе функционира Советот, чие мнозинство зависи токму од едниот советник од Либералната партија.

Градоначалникот на Општина Берово, Драги Наџински, вели дека согласно законот за локални избори доколку советниците не изберат претседател и не ги формираат комисиите во рок од шест месеци, во тој случај повторно ќе мора да има локални избори за избор на советници. Не донесувањето на одлуките на советниците ја кочи и работата на локалната самоуправа.

Наџински забележува дека Општина Берово сака да аплицира со проект за програмата за рурален развој за изградба на пат до селото Митрашинци, но за да се донесе одлуката ќе мора да свика вонредна седница на советот со единствена точка на дневен ред, а со која ќе претседателствува најстариот советник.